ماس محمد رحيم توجه رسالة مؤثرة لوالدها الراحل: "كل يوم بتوحشني أكتر"

شاركت الفنانة ماس محمد رحيم، ابنة الملحن الراحل محمد رحيم، رسالة مؤثرة عبر حسابها الرسمي على فيسبوك، عبّرت فيها عن مدى اشتياقها العميق لوالدها بعد مرور عام على رحيله، مؤكدة أن غيابه ترك فراغًا كبيرًا في حياتها لا يمكن تعويضه.

كتبت ماس: "فكرت كتير في الكلام اللي نفسي أقوله النهارده، والي عارفه كويس إنه هيوصلك وتحس بيا، لأن اللي بينا مكانش عمره ما هيكون في الأرض. بقالي سنة بحاول أصدق، وبقالي تلات شهور بحاول أجمع كلامي، أنا بقيت أدور عليك في تفاصيل حياتي".

وتابعت: "كنت مش باخدة بالي منك في العادي، لكن دلوقتي بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بشوفك فيهم". وأضافت: "كل كلامك كان يهمني، وأي حاجة كانت بتيجي في بالك كانت بتشغل تفكيري، وعلشان كده أنا مش بنسى. كنت بشوف حركاتك وتعبيراتك، وكل ذكرى لينا مع بعض بتحسسني إن اللحظة لسه عايشة، وإن في بعد تاني أنا وإنت قاعدين فيه بنضحك ونتمشى سوا".

واختتمت ماس رسالتها: "الذكرى اليمّة بتوجعني وتحطم قلبي، لكن كفاية عندي إني بفتكرك. ربنا رزقني بيك وخلى حبك في قلبي كبير أوي، ادعوا لقلبي بالرحمة والمغفرة".